المسافر العربى لحجز الفنادق والطيران فى ماليزيا: مختصر (( هولندا - امستردام )) و (( بلجيكا

26 فبراير 2014

مختصر (( هولندا - امستردام )) و (( بلجيكا - بروسل))

مختصر (( هولندا - امستردام )) و (( بلجيكا - بروسل))

التقرير باين من عنوانه وهو مختصر وان شاء الله يكون مفيد عن هالمدينتين امستردام وبروسل ..

نبداها بامستردام ..

وقت السفر كان شهر 8 في الصيف ..

الجو : كان رائع في امستردام هواء حلو ومطر خفيف وشمس خفيفه بسرعه تختفي

المدة 3 ليالي - 4 ايام

ونبدأ التفاصيل السريعة ..

وصلنا للمطار و الحلو في المطار انكم اول ماتطلعون من الباب تلقون في استقبالكم كلمة امستردام كبييييييييييره .. وبتلاحظون من البداية ان المدينة شبابية و تعج بالحياه ... في الاغلب المطارات تكون في مكان بعيد ومعزول لكن ماحسيت بهالشي في امستردام

ولان عددنا كبير فدائما نحجز سيارة توصلنا لين المطار مسبقاً .. سيارة ل 8 اشخاص ب 62 يورو من المطار لين الفندق عن طريق هالموقع الي دايما اتعامل معاه

airportstaxitransfers.com

ووصلنا لين الفندق ..

الفندق يقع في مكان جدا مميز مقابل تماماً الدام سكوير وهو احد اهم المناطق السياحية في امستردام والي تعج بالحياه والبهجه طول اليوم

اسم الفندق : NH Grand Hotel Krasnapolsky

تصنيفه : 5 نجوم

تقيمي له : ممتاز مافيه عيب

كموقع 10 على 10

خدمات 10 على 10

راحة الغرف 10 على 10

العيب الوحيد الي صادفنا هناك ان الغرف استلمناها مب عالوقت .. احنا حاجزين 3 غرف غرفة استلمناها على طول وغرفة الساعة 4 وغرفة الساعة 5 العصر وهاي هو العيب الوحيد الي صادفنا .. والانترنت مجاني في لوبي الفندق و في الغرف بس ضعيف في الغرف ...

بختصار الفندق عجبني واعتقد انه مريح جدا ...

من خلال تجربتي اغلب فنادق الغراند هوتيل في اوربا تكون مرتبه وحلوه ...

خلوني ارويكم الفندق .. هاي الاستقبال الكبير .. وصح نسيت اقولكم ان الفندق ضخم كبييييييير وعباره عن بنايتين كبار لازقين ببعض و في كل ممر من ممرات الفندق المودية للغرف في مكينة ثلج ...

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 959x719 .

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 719x959 .

غرفنا في المبنا الثاني مشينا وشقحنا وعبرنا بيبان لين وصلنا هههه

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 719x959 .

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 959x719 .

قبل ماابدأ عرض الغرف ... سعر الغرف في الوقت والتاريخ الي احنا حجزنا فيه كان 1012 ريال قطري لليله للغرفة التوأم ..

نبدأ الغرفه بالحمام وانتو بكرامه

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 719x959 .

غرفة النوم ..

مريحة وواسعة

الشباك كبير

مطل الغرفة على احد الشوارع

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 719x959 .

التلفزيون والميني بار