الرحلة الشبآبيــةة الى الآراضي المغآربيــة

الرحلة الشبآبيــةة الى الآراضي المغآربيــة

الرحلة الشبآبيــةة الى الآراضي المغآربيــةة ... مر1كش

السلام عليكم ....

انا عضو جديد بالمنتدى >>> قل قسم هههههههههه

قصدي يعني اول مره اكتب موضوع بالمنتدى عن رحلة سفر .. فاتمنى عدم التجريح وعدم النقد الهادم >> حاس ان تقريره فاشل خخخخخخ

الصور مو كل الاماكن صورتها لاني وقت ما كنت بالمغرب ما كنت اتوقع اني راح احط تقرير في المنتدى وبالتالي ما حرصت بشكل كبير على التصوير .... فاعذروني

ثاني شي انا شخص نساي وانسى كل شي وفي اشياء نسيت اسماها وغيره فاتمنى ايضا تعذروني >>> تقرير فاشل هههههههه

نبداء باسم الله ...

في احد الليالي الشتوية شديدة البرد في احدى استراحة بريدة ( القصيم ) كنا نشرب حليب زنجبيل واقترح علينا احد الشباب سفرة الى المغرب نغير جو ونستانس ونشوف ديرة غير ديرتنا ( مع العلم اننا اول مره نروح للمغرب كلنا ) وقال لنا احد الشباب نجرب وما راح نخسر شي ... فقال احد الشباب حكمته الشهيره اللي لن انساها ما حييت( الحياة عبارة عن سلسلة متسلسلة من التجارب ) وقررنا تكون رحلتنا الى مراكش احد مدن المغرب الشقيقة .

فقالنا على خير وكنا اربع شباب ( 24/24/24/23 ) لحد يقول وش هذي هههههههه هذي اعمارنا

رحلتنا كانت على الخطوط القطرية ( القصيم – الدوحة – كاز) والعكس في العودة وكانت اذا ما خاب ضني نهاية شهر يناير او بداية شهر فبراير تقريبا يعني .. مالكم في الطويلة

المهم هذي معلومات عن مراكش او يسمونا مراكش الحمراء او مراكش النخيل او مدينة النخيل

مراكش هي ثالث أكبر مدينة مغربية تقع في جنوب وسط المغرب، وصل إجمالي عدد سكانها في 2004 إلى 340,334 نسمة. بناها السلطان المسلم يوسف بن تاشفين عام 454 هجرية الموافق ل 1062 ميلادية، كعربون محبة لزوجته زينب النفزاوية. يرجع اسم مراكش إلى الكلمة الأمازيغية أمور ن ياكوش أي بلاد الله حيث يستعمل الأمازيغ كلمة تامورت أو أمور التي تعني البلاد كثيرا في تسمية البلدان والمدن. وما زال كثير من العرب يطلقون على المغرب ككل اسم مراكش

وصف مراكش

وصفت مراكش بأنها المدينة الحمراء، الفسيحة الأرجاء، الجامعة بين حر وظل ظليل وثلج ونخيل، عاصمة دولة المرابطين والموحدين والسعديين، قال فيها صاحب وفيات الأعيان: مراكش مدينة عظيمة بناها الإمام يوسف وهي قاعدة بلاد المغرب وقطرها ومركزها وقطبها، فسيحة الأرجاء، صحيحة الهواء، بسيطة الساحة ومستطيلة المساحة، كثيرة المساجد، عظيمة المشاهد، جمعت بين عذوبة الماء، واعتدال الهواء، وطيب التربة، وحسن الثمرة، وسعة الحرث، وعظيم بركته.

هذي صورة ساحة الفنا في مراكش ساحة مشهورة جداا هناك

وهذي منارة الكتيبة في مراكش ايضا

هذي هي الحلقة الاولى من رحلتنا بعد قليل باذن الله بنزل الحلقة الثانية من الرحلة الشبابية الى الاراضي المغاربية

الحلقة الثانية





بسم بالله اجتمعنا احنا الشباب بالاستراحة قبل نروح المطار عشان ناخذ ( رز ابو كاس ) ومعلبات وغيره من الادوية عشان سمعنا ( ان الادوية هناك غاليه جدا في المغرب )



مطار القصيم طبعا مثل ما تعرفون مطار صغير وكل شي صغير  اول ما وقفنا عشان يتاكد من جوازتنا موظف الجوازات قال يا شباب ( اللي ماعنده اجازه خارجية يطلع من الحين مو فاضيين نحرجه ويحرجنا من البداية اقولها لكم )

هنا شعرنا بالخوف مع اننا مالنا دخل واصلا حنا مو موظفين هههههههههه بس حسينا برعب

هذي صورة للمطار القصيم





المهم رحنا وقعدنا بالوفية او كافتيرا او مدري وش اسميها ههههه المهم مافي شي يفتح النفس يؤكل واخذنا ماء ( موية ) وانتظرنا رحلتنا اللي بتاخذنا من القصيم للمغرب الشقيق 



شوي ولا ينادون ع رحلتنا ونجي البوابة بس الغريب ما اشوف أي طيارة انا ومستغرب وين الطيارة المهم تاكدوا من اوراقنا ثم طلعنا قالوا تشوفون الطيارة هذيك اللي باخر المطار قالوا روحوا لها ( مشي على الاقدام ) واركبوها وتوديكم للمغرب ههههههه ... ياولد عدل بدل مشوار قالوا هذا اللي عندنا



المهم ونركب الطيارة ونقلع من القصيم متجهين لقطر ونمشي ونمشي >> ماعنده خبره في كتابة تقرير هههههههه

وهذي صورة طيارتنا يوم نقلع >> ماهوب كذوب هههههه







وصلنا مطار الدوحة وجانا باص واخذنا وكل مكان بالمطار يعتذرون يقولون اسفين على المطار لانه قديم ومن هالكلام ... وحنا مبسوطين مطار حلوو ويعتذرون هههههههههه مطار القصيم بعد التطوير وكل شي ما يجي ولا خمسه بالميه من مطار الدوحة القديم



هذي صورة لمطار الدوحة القديمم



هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 695x414 .



ونقعد ساعتين ونركب الطيارة اللي رايحة للمغرب تقريبا المشوار سبع او ثمان ساعات تعبنا تعبً شديداً من الرحلة وننزل في مطار محمد الخامس الساعه يمكن ثلاث العصر تقريبا

المصدر: منتدى المسافر العربى - من قسم: المسافر العربى الى المغرب

http://ift.tt/MuQL81